கண் கவனம் (Foreign body in the eye)
அவதானமாக இருங்கள் மோட்டார் சைக்கிள் மற்றும் துவிச்சக்கர ஓட்டிகளே.
ஹெல்மட் போடுவது பற்றி நான் இங்கு பேசவரவில்லை. கரணம் தப்பினால் மரணம் எல்லோருக்குமே தெரியும்.
இது மாலை மங்கும் நேரத்தில் திறந்த வாகனங்களை ஓட்டுவது பற்றி.
கண்ணுக்குள் பூச்சி அடிப்பது விழுவது எல்லோருமே அனுபவித்திருப்பீர்கள்.
இந்தப் பையனுக்கும்தான் மாலையில் மோட்டார் சைக்கிளில் போகும்போது ஏதாதோ கண்ணில் விழுந்துவிட்டது.
உறுத்திக் கொண்டே இருந்தது. கண்ணீர் ஓடியது.
அம்மா ஊதிப் பார்த்தா அசும்பவில்லை.
தண்ணீர் அடித்துக் கழுவிப் பார்த்தான் அதற்கும் அகலவில்லை.
என்னிடம் வந்தபோது கவனித்துப் பார்த்தபோது ஒரு சிறிய கறுத்தப் புள்ளி போல ஏதோ கருவிழி ஓரமாக ஒட்டிக் கொண்டிருந்தது.
கண்ணை மரக்கச் செய்து கவனமாக அகற்ற நேர்ந்தது.
கருவிழியில் கடுமையான கிருமித் தொற்று ஏற்பட்டால் பார்வை பறிபோகுமளவு பாதிப்பு ஏற்படவாய்ப்பபு உண்டு என்பதை அறிந்திருப்பீர்கள்தானே
எனவே ஹெல்மட் வைசரால் (visor)அல்லது கண்ணாடியால் உங்கள் கண்களை அவ் வேளைகளில் பாதுகாத்துக் கொள்ளுங்கள்
முருகானந்தன் கிளினிக் 