Feeds:
பதிவுகள்
பின்னூட்டங்கள்

Archive for the ‘நூல் வெளியீடு’ Category

>

புலோலியூர் இரத்தினவேலோன் அவர்களது சிறுகதை தொகுப்பான “புதிய பயணம்“  நூல்  அறிமுக விழாவும் கருத்தரங்கும் எதிர் வரும் ஞாயிறு 27.03.2011 அன்று மாலை 5 மணிக்கு நடைபெற இருக்கிறது.

வெள்ளவத்தை தர்மாராம வீதியில் உள்ள பெண்கள் கல்வி மற்றும் ஆய்வு நிறுவனத்தின் கேட்போர் கூடத்தில் நடைபெற இருக்கும் இக் கூட்டத்திற்கு எழுத்தாளர் திருமதி. ராணி சீதரன் தலைமை வகிக்க உள்ளார்.

முதற்பிரதியை புரவலர் அல்ஹாஸ் ஹாசிம் உமர் அவர்கள் பெற்றுக் கொள்வார்கள்.

நூல்  நயவுரை ஆற்ற இருப்பவர்கள்

  1.  திரு.ஜி.இராஜகுலேந்திரா (சட்டத்தரணி) அவர்கள்
  2. தம்பு சிவா (தம்பு சிவசுப்பிரமணியம் எழுத்தாளர் அவர்கள்)

புதிய பயணம் அவரது மீரா பதிப்பகத்தின் வெளியீடாக சுமார் 15 ஆண்டுகளுக்கு முன் வெளி வந்நதது. இப்பொழுது மீள் பதிப்பாக வெளிவர இருக்கிறது.

நண்பர் புலோலியூர் ஆ.இரத்தினவேலோன் ஏற்கனவே தனது படைப்புகளான 5 சிறுகதைத் தொகுதிகளையும், 3 விமர்சன நூல்களையும் வெளியிட்டுள்ளார்.

பதிப்பாளர் என்ற முறையில் அவர்களது சொந்த முயற்சியான மீரா பதிப்பகத்தினது வெளியீடு இது. ஏற்கனவே 91 நூல்களை வெளியிட்டுள்ளார். 

புலோலியூர் இரத்தினவேலோன் எனது இனிய நண்பர். ஒரு எழுத்தாளர். அருமையான சிறுகதை ஆசிரியர். சிறந்த நூல் விமர்சனங்களைத் தருபவர். இவரது எழுத்துப் பணயம் மேலும் சிறப்புற வாழ்த்துகிறேன்.

Read Full Post »

>

அண்மையில் அடிக்கடி படிக்கக் கிடைக்கிற நல்ல எழுத்துக்களைத் தருகின்ற இளைய எழுத்தாளர்களில் ஒருவர்தான் கார்த்திகாயினி சுபேஸ். கடந்த ஒரு தசாப்தமாக எழுத்து உலகில் கவனிப்பைப் பெற்ற எழுத்தாளர். பல நல்ல சிறுகதைகளதைத் தந்துள்ளார்.
அமரர் சதாசிவம் நினைவுச் சிறுகதைப் போட்டி, செம்பியன் செல்வன் ஞாபகார்த்த சிறுகதைப் போட்டி ஆகியவற்றில் முதற் பரிசுகளைத் தட்டிக்கொண்டவர். மேலும் பல பரிசுகளையும் பெற்றுள்ளார்.
தினக்குரல் பத்திரிகையில் உதவி ஆசிரியராக பணியாற்றும் இவரதுமுதல் சிறுகதைத் தொகுதியான ‘தாய் மடி தேடி..’ வெளிவர இருக்கிறது.
எதிர்வரும் ஞாயிறு (06.03.2011) மாலை 5 மணிக்கு  வெளியீட்டு விழா நடைபெறுகிறது. வெள்ளவத்தை உருத்திரா மாவத்தையில் உள்ள தமிழ் சங்க சங்கரப் பிள்ளை மண்டபத்தில் நடைபெற இருக்கிறது.
தலைமை :- டொக்டர்.எம்.கே.முருகானந்தன்.
மங்கல விளக்கேற்றல் தமிழ்த்தாய் வாழ்த்து ஆகியவற்றைத் தொடர்ந்து வரவேற்புரையை திரு.அ.சுபேஸ் ( ஆர்த்திகன்- ஆசிரியர்) நிகழ்த்துவார்.
டொக்டர்.எம்.கே.முருகானந்தன் அவர்களின் தலைமையுரையைத் தொடர்ந்து மூத்த எழுத்தாளர்.திரு.தெளிவத்தை ஜோசப் வெளியீட்டுரையை நிகழ்த்துவார்.
தினக்குரல் நிறுவுநர்.திரு.எஸ்.பி.சாமி அவர்கள் நூலை வெளியிட்டு வைப்பார்
பிரசித்த நொத்தரிஸ், சட்ட உதவியாளர் திரு.எம்.கேதர்மராஜா முதற் பிரதியைப் பெறுவார்
வாழ்துரைகள் 
1. திரு டொமினிக் ஜீவா (ஆசிரியர் மல்லிகை)

2. திரு.வீ.தனபாலசிங்கம் (பிரதம ஆசிரியர் தினக்குரல்)
3. டொம்டர்.தி.ஞானசேகரன் (ஆசிரியர் ஞானம்)
4. திருமதி.புஸ்பராணி நவரட்ணம் (ஆசிரியர்)

ஆய்வுரைகள்

1. திருமதி தேவகெளரி சுரேந்திரன்(விரிவுரையாளர் ஊடகவியல் கல்லூரி)
2. திரு.மு.தயாபரன்

ஏற்புரை:
திருமதி கார்த்திகாயினி சுபேஸ்

நிகழ்ச்சித் தொகுப்பு:- புலோலியூர் ஆ.இரத்தினவேலோன்.

அனைவரையும் அன்புடன் கலந்து கொள்ளுமாறு அழைக்கிறார்.

Read Full Post »

>

என்ன நடக்கிறது எமது நாட்டில்?

சென்ற ஆண்டு பங்குனி சித்திரை மாசங்களில் வரலாறு காணாத வெப்பம் எம்மை வாட்டி வதைத்தது. பின்னர் 62 வருடங்களுக்குப் பின்னர் சென்ற மாதம் கொழும்பில் வெப்ப நிலை 18 பாகையாகக் குறைந்து கடும் குளிரில் துன்பப்பட்டோம்.

இப்பொழுது வடக்கு கிழக்கு வடமத்திய மாகணங்களில் கடும் மழை, வெள்ளம் என அனர்த்தங்கள் தொடர்கின்றன. மலையகத்தில் மண்சரிவுகளால் பலர் மாள்கிறார்கள்.

பூகோளம் வெப்படைதலால் ஏற்பட்டு வருகின்ற அனர்த்தங்களை இவற்றின் ஊடாக நாம் அனுபவத்தில் தெரிந்துகொள்ள முடிகிறது. துன்பத்தில் ஆழவும் வைக்கிறது.

ஆனால் இவை பற்றியெல்லாம் முன்னோக்கிப் பார்த்து, கடந்த 2009ம் ஆண்டு  ஐப்பசி மாதம் பேராசிரியர் எஸ்.அன்ரனி நோர்பேட் உரையாற்றி இருக்கிறார்.

பாமர மக்களின் நலனுக்காகப் போராடிய தோழர் கம்யூனிஸ்ட் கார்த்திகேசன் நினைவுப் பேருரை இலங்கை முற்போக்குக் கலை இலக்கிய மன்றத்தின் ஆதரவில் வெள்ளவத்தை தர்மாராம வீதியில் உள்ள பெண்கள் கல்வி மற்றும் ஆய்வு நிறுவனத்தின் கேட்போர் கூடத்தில் நடைபெற்றபோது அவர் ஆற்றிய உரை இப்பொழுது பூகோளம் வெப்படைதல் என்ற நூலூக வெளிவர இருக்கிறது.

அவுஸ்திரேலியா முதல் ஆசியா வரை காலநிலை நிலை மாற்றங்களால் அவஸத்தைப்பட்டுக் கொண்டிருக்கும் வேளையில் அவரது இக்கட்டுரை தொகுக்கப்பட்டு முழுமையான நூலாக வெளிவருவது காலத்தின் தேவையாக இருக்கிறது. பலருக்கும் பயனளிக்கப் போவதும் நிச்சயமாகும்.

இந்நூல் பற்றிய ஆய்வரங்கு எதிர்வரும் 13.02.2011 ஞாயிற்றுக்கிழமை மாலை 4.30 மணிக்கு கொழும்பு 6, 58, தர்மராம வீதியில் உள்ள பெண்கள் கல்வி ஆய்வு நிறுவன கேட்போர் கூடத்தில் நடைபெறும்.

தலைமை:- கலாநிதி செல்வி திருச்சந்திரன்.

ஆய்வாளர்கள்
1. த.இராஜரட்ணம்
2. பேராசிரியர். எம். கருணாநிதி
3. பேராசிரியர் சபா. ஜெயராசா

இறுதி நிகழ்வாக நூலாசிரியர் பேராசிரியர் எஸ்.அன்ரனி நோர்பேட் அவர்களின் ஏற்புரை நடைபெறும்.

சுற்றுப்புறம் சூழல், பூகோளம் வெப்பமடைதல் போன்ற சமூதாயத்திற்கு தாக்கத்தை ஏற்படுத்தும் விடயங்கள் பற்றி ஆர்வமுள்ளவர்கள் கலந்துகொண்டு நிகழ்வை நிறைவுறச் செய்ய அழைக்கப்படுகிறார்கள்..

Read Full Post »

>தினசரி பத்திரிகைகளின் ஆசிரியர் தலையங்களில் தினக்குரலுக்கு சிறப்பான பாரம்பரியம் உண்டு.

பொன்.ராஜகோபல், சிவநேசச்செல்வன் வரிசையில் வரும் வி.தனபாலசிங்கம் அவர்களது தலையங்கங்களும் குறிப்பிடத்தக்கவை. காலத்தால் மறக்க முடியாதவை. காலத்தின் கண்ணாடி போன்றவை.

இப்பொழுது அவரது  கையெழுத்தில் பிறந்த 100 தலையங்கங்கள் ஒன்று தொகுக்கப்பட்டு ‘ஊருக்கு.. நல்லது சொல்வேன்’ என்ற நூலாக வெளிவருகிறது.

புரவலர் புத்தகப் பூங்காவின் 29வது வெளியீடான இந் நூல் நாளை வெளியிடப்படுகிறது.

நாளை ஞாயிறு (05.12.2010) மாலை 5 மணிக்கு உருத்திரா மாவத்தையில் உள்ள தமிழ்ச்சங்க மண்டபத்தில் இது வெளியிடப்பட இருக்கிறது.

முன்னாள் உச்ச நீதிமன்ற நீதியரசர் சி்விக்னேஸ்வரன் தலைமை தாங்க, பேராசிரியர் கார்த்திகேசு சிவத்தம்பி பிரதம அதிதியாகக் கலந்து கொள்கிறார்.

மிகுதி விபரங்களை அழைப்பிதழில் காண்க.

Read Full Post »

>ராணி சீதரனின் ‘நிலவும் சுடும்’ சிறுகதைத் தொகுப்பு வெளியீட்டு விழா (07.11.2010 ஞாயிறு) மாலை 4.30 மணியளவில் கொழும்பு தமிழ்ச் சங்க சங்கரப்பிள்ளை மண்டபத்தில் நடைபெற்றது.

திருமதி பத்மா சோமகாந்தன் விழாவிற்குத் தலைமை தாங்கினார்.

திறந்த பல்கலைக் கழகத்தின் ஓய்வு பெற்ற சிரேஷ்ட விரிவுரையாளர் திரு.சீ.து.இராசேந்திரம் பிரதம விருந்தினராகக் கலந்து கொண்டார்

வழமையான நிகழ்ச்சிகளான மங்கல விளக்கேற்றல், தமிழ்தாய் வாழ்த்து, வரவேற்புரை(செல்வி.ஷாமிலா ஷெரீப்) ஆகியவற்றின் தொடர்ச்சியாக
வாழ்த்துரை வழங்கினார்கள்

  • டொக்டர்.திஞானகேரன் (ஞானம் சஞ்சிகை)
  • திரு.மு.கதிர்காமநாதன்(தலைவர் கொழும்பு தமிழ் சங்கம்)
  • திரு.அன்ரனி ஜீவா(எழுத்தாளர்)

ஆகிய மூவரும்.

அன்ரனி ஜீவா தனது உரையின்போது,  தமிழ் நாட்டில் திருகோணமலைச் சார்ந்த எமது எழுத்தாளரான தர்மு சிவராம் அவர்களுக்கு தமிழ் நாட்டில் அளிக்கப்படும் உயர்ந்த இடம் பற்றிக் குறிப்பிட்டார். பாரதி, புதுமைப்பித்தன் ஆகியோருக்குப் பின்னான இலக்கிய ஆளுமையாக அங்கெல்லாம் மதிக்கப்படுவதாகவும் சொன்னார். நான் கூட்டத்திற்குச் சென்ற போது அன்ரனி ஜீவாதான் பேசிக் கொண்டிருந்தார்.

தனது தலைமையுரையில் திருமதி பத்மா சோமகாந்தன் மனையாள் என்று கெளரவமாக மதிப்பது போல பெண்களை வீட்டிற்குள் அடைத்து வைத்த காலம் மாறிவிட்டது. இப்பொழுது பெண்கள் இலக்கியத் துறையில் மட்டுமின்றி நிர்வாகம், பொலீஸ், ராணுவம் என பல நிலைகளிலும் உயர் நிலைக்கு வந்துள்ளதை நினைவூட்டினார்.

பிரதம விருந்தினராகக் கலந்து கொண்ட திரு.சீ.து.இராசேந்திரம்தான் விக்டோரியா கல்லூரியில் ராணி, சீதரன் ஆகியோருக்கு கல்வி கற்பித்த நிகழ்வுகளை சுவைபடக் கூறினார்.

வெளியீட்டு உரையை வழங்கியவர் பேராதனைப் பல்கலைக்கழக தமிழ்துறைத் தலைவர் கலாநிதி.துரை மனோகரன் ஆவார். ராணி சீதரன் தன்னிடம் M.A. பட்ட ஆய்விற்காக வருமுன்னரே அவரது சிறுகதை பற்றி ஞானம் சஞ்சிகையில் எழுதியது பற்றி நினைவு கூர்ந்தார்.

தொகுதியில் உள்ள படைப்புகள் அனைத்தும் தனக்கு பிடித்திருந்த போதும் 5- அல்லது 6 கதைகளைக் குறிப்பிட்டு அவை தனக்கு மிகவும் பிடித்ததாகச் சொன்னார். அவை எவை என்பதை என்னால் இப்பொழுது நினைவுக்குக் கெர்ணடு வர முடியவில்லை.

நீண்டு சென்ற நூல் வெளியீட்டுவில் சிறப்புப் பிரதிகள் வழங்கல் நிகழ்வைத் தொடர்ந்து மூத்த எழுத்தாளர் தெளிவத்தை ஜோசப் நூல் அறிமுகம் செய்தார். ‘மீண்டும் வருமா’ என்ற சிறுகதையில் திருகோணமலையில் திடீரென முளைத்த புத்தர் சிலையைப் பற்றி மிக அழகாகவும் நாசூக்காகவும் எழுதியிருப்பதைச் சுட்டிக் காட்டினார். பெரிய சாமி என ஒரு சாதாரணன் புத்தர் சிலை வந்ததைக் குறிப்பட்டதை மிகவும் ரசித்துக் கூறினார்.

மீண்டும் சிறப்புப் பிரதிகள் பிரதிகள் வழங்க ஆரம்பித்தனர். வேறு ஒரு முக்கிய பணியிருந்ததால் மெளலானா M.N.M.மர்ஷீம் அவர்களின் நூல் நயவுரையைக் கேட்க முடியாத மனக் குறையுடன் மண்டபத்திலிருந்து வெளியே வந்தேன்.

இந்த நூலை பிரான்ஸ் சில் வசித்து மறைந்த தனது சகோதரி ரசிந்தாவின் ஞாபகமாக அவர் மறைந்த தினமான நவம்பர் 7ம் திகதியில் வெளியிட்டமை குறிப்பிடத்தக்கது.

தனது சித்தியின் நினைவாக ராணி சீதரனின் மகள் கீர்த்தனி சீதரன் கவிதாஞ்சலி நிகழ்வு நூல் வெளியீட்டிற்கு முதல் நடைபெற்றமை மனதை நெகிழ்வித்தது.

நூலை இன்னமும் வாசிக்கவில்லை.ஆனால் பேராசிரியர் சபா.ஜெயராசாமிக சிறப்பான அணிந்தரையை வழங்கியுள்ளார். சிறிய உரையாயினும் மிகவும் கூர்மையான வார்த்தைகளைக் கொண்ட நல்ல அணிந்துரை. அதன் முக்கியத்துவம் கருதி அதன் ஸ்கான் பிரதியை இணைக்கிறேன்.

அடுத்த பக்கம்
‘வலிகளின் வெளிப்பாடு’..என்ற தலைப்பில் அண்ணாமலைப் பல்கலைக் கழக தமிழியல் துறை புலமுதன்மையர், பேராசிரியர் பழமுத்து வீரப்பன் முன்னுரை வழங்கியுள்ளார்.
நூலின் விலை:- ரூபா 250.00
தொடர்புகளுக்கு:- 077243619
முகவரி:- 136, மத்திய வீதி
                    திருகோணமலை.

எம்.கே.முருகானந்தன்.

Read Full Post »

>மிக வித்தியாசமான நூல் வெளியீடு அது. வெளியீட்டு விழா என்று கூட நான் சொல்லவில்லை. வெளியீடு என்றேன். விழாவாகக் கோலங் கொள்ளவில்லை.கனதியான கருத்தரங்கமாக உருக்கொண்டது.

போற்றலும் பொய்ப் புழுகும், மாலையும் மங்கல விளக்கும், விசேடப் பிரதியெனப் பேரிட்டு மேடையில் பணங் கறத்தலும், போட்டோவில் புன்சிரிக்கும் அதிதிகளுமாய் நாற்றமெடுக்கும் விழாவல்ல இது.

காலங்காலமாய் சடங்குச் சகதியில் சிக்கித் திணறும் விழாக்களுக்கு மாற்றாக தெளிவான நோக்கத்துடனானது. தீர்க்கமான கருத்துக்களுக்கு இடமளித்து, குற்றங் காண்பதை திரையிட்டு மேவாது சுதந்திரமாய் கருத்துரைக்க வைத்த காத்திரமான கூட்டம் இது.

கூடலில் ஆர்வலர்கள்.

கூடல் என்று கூறலாம் போலிருக்கிறது. ஏனெனில் தலை மேசையில் இருப்பவர்கள் மட்டுமின்றி கூட்டத்தில் கலந்து கொண்ட ஆர்வலர்களும் கருத்துரைக்க இடமளித்ததால் கூட்டம் கூடலாயிற்று.

இலக்கியத்தில் நாட்டமுடைய சிலரின் கூடல் எனலாம். முக்கியமாக சிறுகதைத் துறையில்.

மேலும் சிலர்

50 வருடங்கள் நீளும், நீண்ட படைப்புலகமெனும் காலவெள்ளத்தில் தளாராது நீந்திப் பயணிக்கும் ஒருவரது 9தாவது சிறுகதைத் தொகுப்பு நூலின் வெளியீட்டு விழா.

நூலாசிரியர் நீர்வை

பொன்னாடை, மலர் மாலைகள், பூச்செண்டு, நூல் திணித்தல் எதுவுமில்லை. வரவேற்புரை, நன்றியுரை போன்ற நித்தியச் சடங்குகளும் கிடையாது.

முக்கியமான கருத்துரைகளைச் செய்தவர்கள் மாணவர்களாகும்.

மாணவ ஊடகவியலாளர் ரவிவர்மன்

பள்ளி மாணவர்கள் அல்ல.

மாணவ ஊடகவியலாளர் எஸ்.சில்மியா

இலக்கியப் படைப்புகளோடும், செய்திகளோடும் உறவாடுபவர்கள். மற்றவர்களைச் சிந்திக்க வைக்க தமது பேனாவோடு எதிர்காலத்தில் உலா வரப் போகிறவர்கள்.

மாணவ ஊடகவியலாளர் ரகுவரன்

ஆம் ஊடகக் கல்வித்துறை மாணவர்கள்.

மாணவ ஊடகவியலாளர் வீ.முகிலன்

ஊடகத் துறைக் கல்லூரியின் விரிவுரையாளரான தேவகௌரியின் மாணவர்கள் அவர்கள்.

ஊடகக் கல்லூரி விரிவுரையாளர் தேவகெளரி

ஆசிரியரின் நெறியாள்கையானது யார் பேசுவது, எப்பொழுது பேசுவது எவ்வளவு நேரம் பேசுவது போன்ற பொதுவிடயங்கள் குறித்தேயன்றி எதைப் பேசுவது, எப்படிப் பேசுவது என அவர்கள் கருத்துச் சுதந்திரத்தில் தலையிடுவதாக இருக்கவில்லை எனத் தெரிகிறது.

தலைமை ஏற்று காத்திரமான உரை ஆற்றியவர் பேராசிரியர் சபா ஜெயராசா ஆகும்.

தலைமையுரை பேராசிரியர் சபா ஜெயராசா

கூட்டத்தை ஆரம்பித்து வைத்து சில வார்த்தைகள் பேசியவர் தினகரன் பிரதம ஆசிரியரான திரு. சிவா சுப்பிரமணியம்.

தினகரன் ஆசிரியர் சிவா சுப்பிரமணியம்

மாணவர்களின் கருத்துரைகளை அடுத்து விரிவான கருத்துரை வழங்கியவர் பிரபல எழுத்தாளரான திக்குவல்லை கமால்.

கருத்துரை திக்குவல்லை கமால்

இதைத் தொடர்ந்து பார்வையாளர்களின் சுருக்கமான கருத்துரைகள் இடம் பெற்றன.

மற்றொரு பிரபல எழுத்தாளரான இக்பால் கருத்துரை வழங்கினார்.

கவிஞர் இக்பால்

கே.விஜயன், எம்.கே.முருகானந்தன் போன்ற சிலரும் கருத்துரைகள் வழங்கினர். அவர்கள் கமராவில் சிக்கவில்லை.

நூலாசிரியர்  நீர்வை பொன்னையன் சுருக்கமான பதிலுரை அளித்தார்.

நீர்வை பொன்னையன்

தலைமை ஏற்ற பேராசிரியர் சபா ஜெயராசா அவர்கள் முடிவுரையுடன் கூட்டம் இனிதே நிறைவுற்றது.

வெள்ளவத்தை தர்மாராம வீதியில் உள்ள பெண்கள் கல்வி ஆய்வு மையத்தில் (WERC) சென்ற ஞாயிறு 24.10.2010 மாலை 4.30 முதல் மாலை 6.45 வரை இக் கூட்டம் நடைபெற்றது.

பேராசிரியர் சபா ஜெயராசா

நூலில் அடங்கியுள்ள சிறுகதைகளும் பின்னுரையாக ‘நீர்வையின் படைப்புகளும் சமூக இயங்குதளமும்’ என்ற தலைப்பிலான எம்.கே.முருகானந்தனின் கட்டுரையும் பொருளடக்கம் பக்கத்தில் அடங்கியுள்ளன.

நூலின் பொருளடக்கம்

கூட்டத்தில் ஆற்றிய உரைகள் எங்கே என்ற கேள்வி எழுகிறதா? Voice Recording ஆக என்னிடம் உள்ளன. அவற்றைப் பதிவேற்றும் வழி எனக்கு தெரியாது. தெரிந்தவர்கள் சொல்லுங்கள்.

அல்லது இலக்கியக் கூட்டங்கள் பற்றி மிகச் சிறப்பான தகவல் கட்டுரைகளை பத்திரிகைகளில் தரும் மா.பா.சி (மா.பாலசிங்கம்)  எனது அருகில் இருந்து விரிவான குறிப்புகளை எடுத்துக் கொண்டிருந்தார். அதற்குக் காத்திருப்போம்.

ம.பாலசிங்கம்

மல்லிகை ஒக்ரோபர் இதழில் அவர்தான் அட்டைப் பட நாயகன். அவருக்கு வாழ்த்துக்களும், முற் கூட்டிய நன்றிகளும் உரித்தாகுக.

Read Full Post »

>இலங்கை இடதுசாரி இயக்கத்தின் முன்னோடிகளில் ஒருவர் தோழர் கார்த்திகேசன். தமிழ் மக்கள் மத்தியில் முதல் முதலாக கம்பூனிஸ்ட் இயக்க விதைகளை ஊன்றியவர்களில் அவர் ஒருவர்.

முற்று முழுதாக இன்றைய தமிழ் அரசியல் முதவாளித்துவாதிகளின் கைகளில் சிக்கியிருந்தாலும், இன்னும் எம்மிடையே சிறிதளவாவது முற்போக்கு சிந்தனைகள் மிஞ்சியிருக்கிறது என்றால் அதற்கு அவரும் அவரது அரசியல் வாரிசுகளும் செய்த முன்னோடி முயற்சிகளே காரணம் எனலாம்.

அவரது நினைவாக திரு சண்முக சுப்பிரமணியம் தொகுத்த ‘கம்யூனிஸ்ட் கார்த்திகேசன் நகைச்சுவை, ஆளுமை, தீரக்கதரிசனம்’ என்ற நூல் வெளியிடப்பட உள்ளது.

எதிர்வரும் 19.09.2010 ஞாயிறு மாலை 3.30 மணிக்கு யாழ் பலநோக்கு கூட்டுறவுச் சங்க கேட்போர் கூடத்தில் (யாழ் பிரதம தபாலகத்திற்கு அருகில்) நடைபெற இருக்கிறது.

தலைமை :- திரு. ரெங்கன் தேவராஜன் (வழக்கறிஞர்)

நினைவுரைகள்:- திரு.எஸ.ஜி.புஞசிகேவா (வழக்கறிஞர்)
                            திரு.எம்.ஜி.பசீர் (யாழ் மாநகர முன்னாள் துணை முதல்வர)
                            கலாநிதி செல்வி திருச்சந்திரன் (பெண்கள் கல்வி ஆய்வு                  நிறுவன   பணிப்பாளர்)
                            திரு.வீ.சின்னத்தம்பி (இளைப்பாறிய ஆசிரியர்)

ஏற்பாட்டாளர்கள்

இந்த நூலை

  1. இலங்கை முற்போக்குக் கலை இலக்கிய மன்றம், 
  2. கம்யூனிஸ்ட் கார்த்திகேசன்அறக்கட்டளை நிதியம் 

ஆகியன இணைந்து வெளியிடுகின்றன.

Read Full Post »

Older Posts »