Feeds:
பதிவுகள்
பின்னூட்டங்கள்

Archive for the ‘ரொன்சில் கல்’ Category

இவரின் வாயினுள் வெள்ளையாக ஏதோ தெரிகிறதே. புட்டுத் துகள்கள் ஒட்டிக்கிடக்கின்றன என எண்ணாதீர்கள்.

இவரது டொன்சிலில்தான் அவை இருக்கின்றன. ஒட்டிக் கொண்டு அல்ல. சிறிது சிறிதாக வளரந்த கற்கள் அவை.

மனித உடலுறுப்புகளில் கற்கள் உருவாவதை நீங்கள் அறிநிதிருப்பீர்கள். சிறுநீர்கக் கற்கள் மற்றும்  பித்தப்பை கற்கள் பற்றி நிச்சயம் கேள்விப்பட்டிருப்பீர்கள். சில வேளை அவற்றால் பாதிக்கப்பட்டிருக்கவும் கூடும்.

ஆனால் தொண்டையில் உள்ள டொன்சில் என்று உறுப்பில் கற்கள் தோன்றலாம் என்றால் உங்களுக்கு ஆச்சரியமாகவே இருக்கும்.

உங்கள் தொண்டையின் உட்புறத்தில் இரு பக்கங்களிலும் உருண்டையான கட்டி போல இருப்பபைதான் டொன்சில் (Tonsils) ஆகும். இது ஒரு வகை சுரப்பி ஆகும்.

வடிகட்டி என்றும் சொல்லலாம். வாய்வழியே உட்செல்லும் கிருமிகளை பரவவிடாது தடுப்பும் உறுப்பு ஆகும்.

இது வழவழப்பான உறுப்பாக இருப்பதில்லை. மேடும் பள்ளங்களும் சில வேளை சிறு குழிகளும் அவற்றின் மேற்பரப்பில் தென்படலாம்.

இந்த மேடு பள்ளங்களில் கிருமிகளும் சளிபோன்ற திரவங்களும் உதிர்ந்த கலங்களும் மாட்டுப்பட்டுக்கிடக்கலாம். கால ஓட்டத்தில் உன்றியைந்து இறுகி கட்டியாகி கற்களாக உருவாகின்றன.

இது எவரிலும் தோன்றலாம் என்ற போதும் அடிக்கடி ரொன்சிலில் கிருமித் தொற்று ஏற்படுபவர்களில் அதிகம் வர வாய்ப்புண்டு.

பொதுவாக இது போன்ற சிறிய கற்களே தோன்றுகின்றன என்ற போதும் பெரிய கற்களும் வரலாம்.

அறிகுறிகள்

இது பொதுவாக அறிகுறிகள் அற்ற நோய். மருத்துவர்கள் வாயைப் பரிசோதிக்கும் போது அல்லது ஆராச்சி மனம் கொண்டவர்கள் வாயை ஆவெனெத் திறந்து கண்ணாடியில் பார்க்கும் போது தெரியவரலாம்.

வாய் நாற்றத்திற்கு இதுவும் ஒரு காரணமாக இருக்கலாம்.
விழுங்குவதில் சிரமம் காது வலி போன்ற அறிகுறிகள் அரிதாக ஏற்படலாம்.

சிகிச்சை

பொதுவாக எந்தச் சிகிச்சையும் தேவைப்படாது

மெல்லிய சுடுநீரில் உப்பு கரைத்து அலசிக் கொப்பளிப்பது நிவாரணம் அளிக்கக் கூடும்
.
மிக அவசியம் என்று கருதினால் மருத்துவர் நுண்ணுயிர் கொல்லி மருந்துகளைக் கொடுக்கக் கூடும்

மிக அரிதான சத்திர சிகிச்சை செய்து அகற்றுவதும் உண்டு

மொத்தத்தில் சொல்வதானால்அலட்டிக் கொள்ளத் தேவையற்ற நோய்.

0.00.0

Advertisements

Read Full Post »